VIA DE SANCTIS AL VUN

Via De Sanctis al vun, al quart pian,
stann de cà dò me amis, dò tosànn:
voeùnna l'è la Graziella, ma l'Annamaria,
l'ha gh'ha i oeùcc pussée furb de la via...

Tutt i dì vann a scoeùla col tram,
ma quand vègnen a cà, per parlàmm,
de nascost de la mamma e 'l papà,
quanti scus deven vègh e inventà...

Bel faccìn, coi lentigginn e i trèzz,
dò tettìnn... che te mètten el frècc...
ma quell ràmm, di cavèj, ghe l'hoo chì,
in del mè sangh, che el segùtta a buì...

Quanti vòlt t' hoo cercàda, e ho sognàa
de tegnìtt per la man, per i stràa,
de vèss tò cavalier, on romantegh de jér,
quanti volt t'hoo rivolt el pensér...

E tì ? Niént. Mai on sorìs, mai on piasèe.
Perchè s'eri on brav fioeù, ma i danée,
eren quèj che mancàven, perciò,
dal primm dì, te disévet de no...

T' hoo rivista anmò, in Porta Romana.
Te parévet tò nònna... o toa mamma...
meno mal che de gio'in l'hoo scampàda!
Ciappà ti? Avria fàa 'na vaccàda...

Sent:" El fior el se càtta in del crèss,
e l'amor el fà milla promèss...
Te promètti... t'el scrivi, belée.
Guardi tì ?...Preferissi i... danée.

Claudio Grossi

Gli accenti, anche se non dovuti, sono posti per una corretta lettura del milanese.
Licenza poetica dell'Autore.