CORNAMUSA E GHIRONDA

Al sòn de cornamùsa e de ghironda
e nùmm, visìn al roeùgh, per fàgh brusà
el contribùtt, che questa baraonda
de mond bastàrd, el n' ha descaregàa,

da sècol, come sabbia in la clessìdra.

Se sèmm trovàa in sul gòzz, quasi ogni dì,
el ruff, che i àlter ràzz n' hann trapiantàa
tutt i volt che rivàven, per stà chì,
i lor usanz, quand che hann fondàa cittàa,

perchè hinn andàa pùu via, perchè hinn restàa.

I Cèlt, i Etrùsch, i Elvézi, e poeù i Camùnn,
i Gall, e poeù i Romànsc, i fiér Scozzés,
i Basch, gh' è stàa salvezza per nessun,
ROMMA l' ha devastàa tutt 'sti paés.

Perchè el potér l' è sémper d' on color.

Chi el dèrv i oeùcc, el ved, primma del temp,
come on profètta, 'me la và a finì...
Allora, dèmm a trà, vardée che niént
la fermarà, se Mòrt l'è adrée a vegnì !

Perchè gh' è pùu Radìs, sèmm pùu Nazion !

Incoeù sèmm in Europa, ma la strìa,
che l' ha rugàa e inzigàa, l' è la: Zabètta...
Per dominà 'sto mond, cont l' altra Arpìa...
La mamma e la soa tosa malarbètta!

Perchè quand la gramègna l' è in sul scàgn...

On sòn de cornamùsa e de ghironda
che quàtta giò la vos del comandà,
di dittator, che fann la nòtt profonda,
per dàgh, a i Stèll e a i Lùnn, l'autorità.

El So, son mì ! I àlter hinn: Nullità.

Ah, fèsta de la Vitta, dell'Amor !
Per costruì la Pas, ghe vorarà :
Fòrza, Salùd, Fermèzza, Stìmma e Onor,
riconquistàss, Padan, la : LIBERTA'.

Question de témp. Sicùr : se rivarà.

Stringèmm i pùgn, slarghèmm la nostra màn,
on Coeùr, on Ideàl, l' istèss Pensér:
nùmm, tùcc unìi, vèrs on radios Domàn:
LIBERA' LA PADANIA, L'E' EL DOVER !

Con questa Féd, sicùr se reussirà.


Claudio Grossi.

Recitata e Registrata a Tele Padania
trasmissione Muse Padane,(puntata dedicata a me)

condotta dal Prof. Andrea Rognoni
Direttore di Arte Nord.

I disegni al computer: "L'Azteco", "Napoleone", "Imperator", "Alexander ",

sono di Claudio Grossi.

Gli accenti, anche se non dovuti, sono posti per una corretta lettura del milanese.

Licenza poetica dell'Autore.