CHI DIS MILAN

T'hée vist la Scala come l'è consciada?
Ona voragin de quattordes meter!
La par istèss de quand l'hann bombardada...

E 'l Dòmm? Scondùu de colp cont i pontégg.
Gh'hann de nettàll, per fall diventà noeùv.
Milàn e i sò bellèzz mettùu a sacchégg.

L'è no bastàa el sparì de l'Ambrosiana,
per tanti ann, inscì per tanto temp...
E poeù scavà la Metropolitana.

Se fà e desfà l'è semper lavorà:
ogni generazion n'hà vist assée
a nun, che 'l sèmm, ne tocca pazientà.

Chi dis Milàn, dis semper : gibillée.

Claudio Grossi.

Recitata e registrata a Tele Padania
trasmissione MUSE PADANE
col Prof. Andrea Rognoni
Direttore di ARTE NORD.