CADUU PADAN

Fradèj ! Sorèll ! Che avìi lassàa 'sto mond
cont el pensér rivòlt al nòster Sògn !
Unìi, nell' ùnich nòmm che corispond
a chi stà, a fianch a fianch, in del bisògn.

Se avìi passàa tanti ann de l'esistenza
a sbassà el coo, in on gioeùgh de servitù,
trattàa 'me nullitàa, cont l'insolénza
che la vén fada a quèj che hinn stàa abattùu.

Sarìi sémper con nùmm, in de la lòtta
de Libertàa, che fann i Patriòtta.

Perchè, quand el Carròcc el v' ha ciamàa,
sotta i Bandér, per vèss anmò Nazion,
Viàlter, sii stàa bon de fà quadràa,
col voster SI, la : Grand Rivoluzion !

Incoeù, sèmm vegnùu chì, col nòster coeùr,
per regordà el ripòss de chi, a la Tèrra,
l'ha consegnàa el sò còrp. Perchè: se moeùr.
Ma, i Nòmm, hinn sémper : Vìv. In pas, o in guèrra.

Sarìi sémper con nùmm, in de la lotta
de Libertaa, che fann i Patriòtta.

Nùmm ve ricòrdomm tùcc. E in di preghier
fàa al Nost Signor, magari se guadagna,
on pòo de Paradìs...Gh'èmm el Dovér
de fà, anca per viàlter, la Padania.

Questa l'è la Padania. L'è la Tèrra
fàda de làcrim, òss, sàngu e sudor,
di noster antenàa, che adèss, sòtt-tèrra,
gh' hann el nòst contribùtt : RICORD e AMOR.

Sarìi sémper con nùmm, in de la lotta
de Libertàa, che fann i Patriòtta.

Incoeù : " Desnoeùv Novémber del Domilla ".
Nùmm, tùcc insèmma, pòrtomm 'na scintìlla.
La Lus del So di noster bèj montàgn,
la bàsa in front, anmò, i Fradèj Padàn!

Sarèmm sémper unìi, in de la lòtta
de Libertàa, che fann i Patriotta.

Claudio Grossi.

Questo pensiero e' arrivato fino in Uruguay.
Grazie.

Gli accenti, anche se non dovuti, sono posti per una corretta lettura del milanese.
Licenza poetica dell'Autore.