MI e TI

Mì e Tì
tùcc e dùu
imbesuìi
tùcc e dùu
inamoràa
come el prìmm dì.

Tì, te séret
on fiòr...
e per fà l'amor
te vegnivi a cercà
sotta cà;

hinn passàa i ànn
da quand
s'eri on gallètt
e te lumàvi per
toccatt i tètt...

Stàtt insemma de can
in on camp de gran
farfojà, streppà giò,
poeù soo no... boh...

Fà l'amor 'me dannàa
tutt e dùu ben taccàa,
mì soo no, se se pò...

Adèss pàssomm
i sér settàa in cusìnna
de 'dré a on biccér
de ménta granadìnna...

Col càld che fà
d'estàa
gh'hoo minga voeùja...

gh'è minga el vént,
se moeùv
nanca 'na foeùja.

Ma Mì e Tì
tùcc e dùu imbesuìi
tùcc e dùu inamoraa
come el prìmm dì.

Mì e Tì
tùcc e dùu imbesuìi
tùcc e dùu inamoraa
come el prìmm dì.

Claudio Grossi.

Cantata e registrata a Tele Padania in Muse Padane