DANIELE

Daniele Vimercati, Direttor.
Simpatich, giust, leal, indipendént,
'sti pòcch paròll, per dìtt, col nòst amor,
el grand dolor, nel coeùr de la toa gént.

Giornalista, elegant e equilibràa.
On scior, gentil, intelligént, distànt,
bon de trà foeùra, dai tò intervistàa,
tutt i segrètt scondùu, pussée important.

T' hee fàa a l'istèss di ICEBERG che, se ved,
se distàcchen dal POLO, a l'improvvis.
E adèss, che nùmm èmm vist, e no se cred,
scomparì, inscì, de colp, el tò sorìs,

A on òmm finìi 'me 'l gràn. Ranzàa. In la sòrt
de "andà de là". Stroncàa, sul pussée bèll.
Streppàa dai ong famélich de la mòrt.
El nòst ricòrd e on ciao. Come a on fradèll.

Claudio Grossi

In ricordo di Daniele Vimercati, Giornalista.
Direttore di Telelombardia.
Pubblicata su La Padania.

Gli accenti, anche se non dovuti, sono posti per una corretta lettura del milanese.
Licenza poetica dell'Autore.